KENNISGEWINGS

  OVK Gholfdag 2017 fotos, kliek hier / OVK Golfday Pictures, click here        

Nywerhede

LEES MEER OOR ONS PRODUKTE EN DIENSTE
Nywerhede

Nywerhede

Clocolan Koringmeule
OVK se koringmeule in Clocolan is een van die modernstes in Suid-Afrika en in pas met die beste ter wêreld. Daarmee saam word die maatskappy se reeks POWER-produkte by die meule vervaardig en verpak.

Die hoogs gevorderde maaltoerusting bied voordele ten opsigte van pneumatiese vervoerstelsels, energiebesparing en kleiner siftingsruimte vanweë minder skeidingsprosesse.

Beide die nuwe POWER asook die bekende SUPER BAKE- handelsnaam word verpak. Meel word landwyd versprei en is in klein verpakkings en in groter polipropileensakke beskikbaar. Die produkte sluit witbrood-, bruinbrood- en koekmeel, asook gemengde bruinbroodmeel in.
Die produkreeks word in OVK se handelstakke, verskeie bakkerye asook aan die groot- en klein- handel aangebied en is beskikbaar in verpakkings van 1 tot 50kg.

Tweespruit  Meule
Tweespruit Meule is in 1974 gebou en vanaf 2004 is toerusting jaarliks opgradeer om in die toenemende vraag na ‘n verskeidenheid kwaliteit-produkte in die mark te kan voorsien.
Die meule vervaardig 'n groot verskeidenheid mieliemeel-produkte soos stampmielies, mielierys, super mieliemeel(OVK Super en POWER).

Alle produkte is beskikbaar in verpakkings van 1kg tot 80kg. Die meule voorsien ook geel gebreekte mielies, No 1 en No 2 geel meel asook nywerheidsmeel vir dieregebruik.

Ander Produkte
Tweespruit Meule is ook verspreiders van topkwaliteit-hondekos onder die handelsmerk PowerPaws. Pluimvee, gemengde hoenderkos en ’n verskeidenheid voëlsade en ander troeteldierkosse word ook vervaardig en verpak in verskillende grootte verpakkings.