Tweespruit  Meule
Tweespruit Meule is in 1974 gebou en vanaf 2004 is toerusting jaarliks opgradeer om in die toenemende vraag na ‘n verskeidenheid kwaliteit-produkte in die mark te kan voorsien.

Die meule vervaardig 'n groot verskeidenheid mieliemeel-produkte soos stampmielies, mielierys, super mieliemeel (Power & Blackball).

Alle produkte is beskikbaar in verpakkings van 1kg tot 80kg. Die meule voorsien ook geel gebreekte mielies, No 1 en No 2 geelmeel asook nywerheidsmeel vir dieregebruik.

Ander produkte:
Tweespruit Meule is ook verspreiders van topkwaliteit-hondekos onder die handelsmerk PowerPaws. Pluimvee, gemengde hoenderkos en ’n verskeidenheid voëlsade en ander troeteldierkosse word ook vervaardig en verpak in verskillende grootte verpakkings.